Failed Trip

        Matagal kong inabangan ang field trip namin sa college. 2nd year o 3rd year college pa lang ata iniimagine ko na kung anu-ano ang mga mangyayari dun. At habang palapit na ng palapit ang field trip lalo akong naeeksayt. Siyempre kasi isang beses lang ito mangyayari sa buhay kolehiyo ko. At kasama ko pa halos lahat ng barkada ko sa skul. Para bang outing ng barkada ang mangyayari.

        Lumipas ng mabilis ang mga araw..

"Field trip na natin sa susunod na araw! Kila piyek na tayo matulog para malapit. Para maaga tayo."  --> Napagkasunduan namin na sa bahay ng klasmeyt na namin kami matulog dahil malapit yun sa skul at 5am ang call time para sa field trip.

        At ayun nga, kila piyek kami natulog. Pero nagdota muna kami sandali(9pm-3am ata?). Pagkatapos magdota ay dumiretso na kami kila piyek para umidlip.

quarter to 5 na.. Bumangon na kami at sabay-sabay pumunta sa skul. Excited kaming lahat. Pagdating sa lerma, nakita namin ang epal na staff ng discipline office ng skul. Tawagin na lang natin siyang bonjing.

"Ang aga naman pumasok niyan. Sipag ah." --> Medyo humanga pa kami kay bonjing dahil nga maaga siya. Wala pa kaming kamalay malay na siya ang sisira ng araw na pinakahihintay namin.

        Nasa bus na ang lahat. Nag-checheck na ng attendance. Nagulat ang lahat ng umakyat si bonjing sa bus.

" !@#$%^&*... !@#$%^&... " --> Lahat na ata ng mura naibulong ko sa sarili ng marinig ko ang mga sinabi ni bonjing.

"Ahh.. Goodmorning istudents! Alam ko naman na hindi niyo gusto na sumama ako... blah! blah! blah!... Wala tayong magagawa. Utos ng itaas. Sumusunod lang tayo... blah! blah! blah!..." --> Yamot na yamot ako habang pinakikinggan ang speech ni bonjing.

        I-fast forwad na natin ang kwento. Dun na lang tayo sa mga highlight.

1st day, Dinner:

        Masarap ang pagkaen. Magaling talaga magluto ang mga kapampangan. Solb solb lahat. Dahil karamihan samin ay barako, napag usapan ang inuman. Naka tunog ata si bonjing sa plano namin magkakaklase. Binalaan niya kami na bawal daw mag inuman. Dahil matigas ang ulo namin, walang nakinig kay bonjing. Nag ambagan na at bumili ng alak at pulutan. Kanya kanyang tago sa ibat ibang bag para hindi madaling mahuli.                                

        Mga 8-9pm na ng makarating kami sa resort na tutulugan namin. Maraming tao. Maraming nag iinuman. Nag ayos lang ng gamit sa kanya kanyang kwarto bago nagkumpulan ulit ang mga barako. Napagkasunduan namin na magpaalam ng maayos kay bonjing. Kakausapin namin ng maayos at magpapaalam na iinom kami at idadahilan na field trip naman, nasa resort naman kami, baka yun na ang huling araw na kumpleto kami dahil mga graduating na, moment na namin yun para makapag enjoy, etcetera etcetera.. (Nasa taas yun picture nitong moment na to!)

        Nag usap sa loob ng kwarto si bonjing at ang prof namin na coordinator ng field trip. Ang tagal nila. Napaka habang pag uusap. Paglabas ni bonjing sinabi niyang hindi daw pwede. Kasi daw tinawagan daw siya ng isang school director at sinabi na bawal daw kami uminom(taenang dahilan yan!).

        Dismayado ang lahat ng mga barako(mahigit bente kami, halos trenta). Walk-out lahat. Yung iba nag swimming na lang. Yung iba naman nagsugal sa kwarto nila. Yung iba gumawa ng design sa broadcasting. Pero kaming mga matitigas ang ulo, nag inuman pa rin sa isang kwarto. Si bonjing ang pinagkwentuhan namin. Imbis sana na masaya ang kwentuhan, tungkol sa kabadtripan ang topic namin.

        Siguro alam na ni bonjing na nag iinuman kami sa loob ng kwarto namin. Palakad lakad kasi siya sa labas. Para siyang aso na naghihintay ng buto na lalabas sa pinto ng kwarto namin.

        Nang minsan binuksan namin ang pinto, andun siya at nakita kami. Huling huli sa akto. Pumasok siya at umupo. Nakipag kwentuhan pero hindi siya uminom. Okay naman ang kwentuhan. Sinasakyan namin ang minasanang pagyayabang ni bonjing. Kinuwento niya ang pagiging militar niya, malakas daw siya uminom sa krame, blah! blah! blah! Habang nag eexplain naman kami ng side namin kung bakit namin sinuway ang sinabi niyang bawal uminom.

        Naging maayos naman ang mga huling usapan. At inakala namin na wala ng kaso. Nakipag kamay pa kasi sa amin si bonjing.

"Wala na lang leakage ah.. walang leakage.." --> Samin samin na lang daw yun nangyari. Wag na lang daw sasabihin sa iba.

        Kinaumagahan, mga 6am, kinatok isa-isa ang bawat kwarto ng mga estudyante. Almusal na daw. Pero bago ang almusal, pinapila niya kami. Parang P.E. lang. Amputik! Mag eexercise daw kami!  Stretching at jumping jack. Nagmukha kaming mga clown sa harap ng ibang mga guest ng resort.

        Masarap ulit ang almusal. Solb!

        Nasa pagitan ng 7-8am na ng sumakay kami sa bus. Si bonjing ang huling umakyat. Pag akyat niya, hinawakan niya ang mikropono at akmang mag lilitanya na naman. Hindi ko na maalala yun mga salitang ginamit niya. Pero ang mensahe ay patungkol sa drinking session namin.

        Napayuko na lang ako. Nagbubulungan ang mga kasama ko sa inuman. Parang mga bubuyog na ang sinasabi ay "Asan na yung walang leakage? Wala pa lang kwenta kausap yan eh."

        Sirang sira na ang field trip. 24hrs pa lamang pero sandamakmak na badtrip moments na. Meron pa kaming dalawang araw para pagtiisan si bonjing.

to be continued...