Torpe lang

        Nagsimula ang lahat noong first year, second term, final exam sa physics, bandang 12:00-12:30pm. Departmental ang exam kaya lahat kami ay busy sa pagrereview(Okay sige. Yung iba lang ang nagrereview. Nakikipagkwentuhan lang ako sa klasmeyt ko). 1pm ang exam. Room M202 ang designated room para sa section ko. Bakante ang kwarto kaya dun kami tumambay at naghintay mag ala una. May mga nag eexam pa sa room M201 sa mga oras na iyon kaya sa room M202 rin tumambay at nagreview ang section na naka designate mag exam sa M201.

        Nagkukwentuhan kami ni ilo(si ilo ay isa sa mga tinuturing kong bespren). Biglang may mga dalagang pumasok sa kwarto. Tila nag slomo ang paligid. Para akong nakakita ng isang anghel na may hawak na reviewer sa physics(Siyet! Naka nganga pa ata ako ng ilang saglit noong mga oras na iyon). Isang magandang binibini ang nakita ko. Na-love at first sight ata ako. Hulog na hulog.

"Ilo, sino yun?"

"Ha?"

"Ayun oh.."

"Hindi ko kilala eh. Hayaan mo tatanong ko kay mel. Kilala ko yun katabi niyang babae."

*******************************************************************************

Note: Sa isang exclusive school ako nag aral mula kinder1 hanggang grade6. Noong hay skul naman coed na nga pero bilang lamang sa daliri ang mga babae. Kaya hindi ako sanay makitungo sa mga babae. Lalo na kung crush ko.

*******************************************************************************

        Pangalawa sa huling araw ng exam. Nakita namin ni ilo ang crush ko. Kunin ko daw number sabi ni ilo. Unti unti akong tumiklop at pinagpawisan ng malamig. (haays! torpe!)

        Nagawaan ng paraan ni ilo. kinuha niya ang cellphone ko at tinanong kay mel ang number ng crush ko(Yan ang bespren! Haha!).

        At diyan nagsimula ang maalamat kong paghanga sa isang babae. Hindi ko siya naligawan. Ligaw-tingin lang. Naka text ko siya dati. Pero hindi ko siya nakausap sa personal. Puro lihim na sulyap na may kasamang pagsinghap lang ang nagawa ko.

        Sobrang taas ng paghanga ko sa kanya. Walang halong pagnanasa(pramis! hehe). Halos limang taon na ang nakalipas pero hindi nabawasan ang paghanga ko sa kanya. Hindi naman ako ganito katorpe sa ibang babae. At mapapatunayan yan ng mga tropa ko.

Yun lang. Bow! Haha!